This site is currently in BETA

E Kuʻu Akua ē

O My God

ʻŌlelo Hawaiʻi

E ka Malu Akua ē! Ma neia anaina Kou poʻe makamaka i ʻume ʻia mai i Kou nani a i hoʻā ʻia e ke ahi o Kou aloha. E hoʻololi i kēia poʻe ʻuhane i mau ʻānela lani, e hoʻōla iā lākou me ka hā o Kou ʻUhane Hemolele, e hoʻoulu i ke alelo mīkololohua a me ka naʻau kūpaʻa i loko o lākou, e pāpahi iā lākou me ka mana lani a me ka naʻau aloha, e hoʻololi iā lākou i poʻe hoʻolaha i ke ʻano pūpūkahi o kānaka a i kumu o ke aloha a me ka lōkahi o ke ao kanaka, i pau ai ka pōʻele o ka hoʻokae ʻino ma o ka mālamalamalama o ka Lā o ka ʻOiaʻiʻo, i māʻamaʻama ai kēia ao kuanea, i hiki ai i kēia ao kino ke omo iho i nā kukuna o ke ao ʻuhane, i hui ai nā waihoʻoluʻu ʻokoʻa i waihoʻoluʻu hoʻokahi, a hū aʻela ka leo hoʻonani a hiki i ke aupuni o Kou ʻihi kapu.

ʻO ʻOe ʻiʻo nō ka Mea Mana Loa a me ka Mea Ikaika Loa!
~ Na ʻAbdu’l-Bahá

English Language

O Divine Providence! This assemblage is composed of Thy friends who are attracted to Thy beauty and are set ablaze by the fire of Thy love. Turn these souls into heavenly angels, resuscitate them through the breath of Thy Holy Spirit, grant them eloquent tongues and resolute hearts, bestow upon them heavenly power and merciful susceptibilities, cause them to become the promulgators of the oneness of mankind and the cause of love and concord in the world of humanity, so that the perilous darkness of ignorant prejudice may vanish through the light of the Sun of Truth, this dreary world may become illumined, this material realm may absorb the rays of the world of spirit, these different colors may merge into one color and the melody of praise may rise to the kingdom of Thy sanctity.

Verily, Thou art the Omnipotent and the Almighty!
~ ‘Abdu’l-Bahá