This site is currently in BETA

E Kuʻu Akua ē

O My God

ʻŌlelo Hawaiʻi

E ke Akua ē, kuʻu Akua! E hoʻomālamalama i ka lae o ka poʻe aloha paulele iā ʻOe a e hoʻoulu ihola me ka pūʻali ʻānela o ka lanakila ʻiʻo. E hoʻolaʻa i ko lākou wāwae i Kō ala pono loa, a mai loko mai nō o Kou waiwai kahiko e wehe aʻe ai i nā puka komo o nā pōmaikaʻi Ou;ʻoiai ma Kou ala lākou e hoʻolilo ai i Kāu i hoʻoili mai ai ma luna o lākou, e kūpale ana i Kou Hoʻomana, a e kau ana i ko lākou hilinaʻi i ka hoʻomanaʻo mau ʻana aku iā ʻOe, e kahiau mau ana no ke aloha iā ʻOe me ka ʻauʻa ʻole i ka loaʻa o lākou no ka hoʻonani aku i Kou Nani a no ka ʻimina mau i mea e hauʻoli ai ʻOe.

E kuʻu Haku ē! E kauoha no lākou i ka māhele lēʻia, ka uku pānaʻi paʻa, me ka makana ʻoiaʻiʻo.

He ʻoiaʻiʻo nō, ʻo ʻOe ka Mālama, ke Kōkua, ka Lokomaikaʻi, ka Lako Loa, ka Mea Hō Mau Mai.
~ Na ʻAbdu’l-Bahá

English Language

O God, my God! Illumine the brows of Thy true lovers, and support them with angelic hosts of certain triumph. Set firm their feet on Thy straight path, and out of Thine ancient bounty open before them the portals of Thy blessings; for they are expending on Thy pathway what Thou hast bestowed upon them, safeguarding Thy Faith, putting their trust in their remembrance of Thee, offering up their hearts for love of Thee, and withholding not what they possess in adoration for Thy Beauty and in their search for ways to please Thee.

O my Lord! Ordain for them a plenteous share, a destined recompense and sure reward.

Verily, Thou art the Sustainer, the Helper, the Generous, the Bountiful, the Ever Bestowing.
~ ‘Abdu’l-Bahá